Ang Kwento Nating Dalawa

Balang araw ipagsisigawan rin kita

Sasabihin ko sa kanila 

yung tungkol sa ating dalawa

Ikukuwento ko rin yung sa'kin at sa'yo, 

ikaw at ako.

Tama, ikaw at ako lang

Kasi diba, wala namang Tayo?

"Halos Tayo", yun nga, halos tayo.

Yung andun na sana, kinapos pa.

Yung yun na sana, naudlot pa.

Masasabi ko rin sa kanila na ikaw,

Oo, ikaw, yung pag-ibig na muntik na

Yung ikaw na sana, kaso hindi pala.

Yung Ikaw. Ako. Tayo. Sana.

Balang araw ipagsisigawan ko rin na...

Oo, Siya nga.

Yung panandaliang ngiti saki'ng mga labi

Ang dahilan sa "Uy ang ganda mo"

Noong mga panahong alanganin ang mundo.

Ang naging yakap sa panandaliang malalamig na panahon.

Ang naging inspirasyon sa halos maraming pagkakataon.

Balang araw ipagsisigawan rin kita.

Sasabihin ko sa kanila na,

Alam nyo, siya yung tamang tao.

Tamang tao sa di tamang panahon.

Tamang tao sa maling pagkakataon.

Siya na sana 

Kaso, baka napa aga yung dating niya...

O, baka ako yung nahuli 

Kasi may mahal na sya.

Ang sakit diba? May mahal na sya.

May mahal na sya agad.

Agad, kasi, kelan lang naman natapos yung sa'tin.

Ay mali, yung Tayo. 

Ay, wala nga pala.

Yung ikaw at ako. 

Yung sating dalawa? 

Kailan lang naman diba?

Bakit naman kasi agad-agad?

Bakit di mo hinintay na damdamin ko man la'y masagad?

Yung tipong wala na. 

Yung ubos na. Yung tapos na.

Balang araw ipagsisigawan ko rin 

Na, ikaw na nga.

Na, kaya ko na... 

Heto na, kaya ko na nga.

Pero, teka, asan ka na? 

Bakit di mo nahintay 'tong araw na kaya ko nang ipagsigawan ka?

Bakit bigla na lang na bumitaw ka?

Bakit ka sumuko? 

Bakit ka lumayo? 

Bakit ka nagtago? 

Bakit ka umatras? 

Bakit ka umiwas?

Bakit bumitaw ka?

Balang araw sasabihin ko rin sa kanila...

Na, mahal pa rin kita.

Kahit wala ka na.

Kahit hindi na ako at ikaw.

Ipagsisigawan rin kita.

Balang araw isisigaw ko rin...

Ang kwento nating dalawa.

Na sana, hindi na lang ikaw. 

-C❌❌