Unti-unting binalikan ang mga ala-ala.
Pasulyap na tinanaw ang nakaraan,
Paano nga ba'ng narating ang hangganan?
Sa wakas natin inumpisahan ang kuwento,
Ang istoryang biglang nagkaroon ng dulo.
Inisa-isa ang mga pangangailangang 'di napunan
Pati mga araw ng tunay na pagmamahalan.
Nag-baka-sakaling makita ang pagkakamali
Paano'ng ika'y bigla na lang sa iba nabighani?
Maaari pa nga bang mabuo tayong muli?
O sadya ngang tapos na'ng mga masasayang sandali?
Huli nating dalawa'y una ninyong magkasama.
Marahil nga'y patapos na ang ating kabanata.
Ngunit dapat na nga bang sukuan na lang?
Limutin lahat ng ating pinagsumpaan?
Ang wakas nating dalawa'y narating na.
Pagmamahalan na dulo'y 'di naging maligaya.
Marahil 'di nga sapat na naibigay mo nang lahat.
Sa huli'y para sa kanya 'di pa rin 'to naging sapat.
Walang komento:
Mag-post ng isang Komento